網紅的藏寶箱好文要share．特別係難得 Seafood 狀棍 寫得比較長啲。我都係鍾意長啲嘅文。搵日我又寫下，雖然講得呢句嘅，多數都爛尾。
亦都請大家記得like 佢 Page 同 ig @seafoodlawyer
固然我同佢係朋友，但大佬，都要啲文得我先會推。我認證。
唔係咩「文字有價」咁廉價（況且狀棍都冇收你錢，雖然人地唔係金牙大狀拎個的士錶出嚟同你bill，但你計返人地人工，啲時間都值錢）
講真，我對幾句嘢都幾反感（雖然好多我尊敬嘅人都講）。諗真啲，刁，「文字有價」，咪又係「情緒勒索」。做乜垃圾都要人支持，仲要有價？你畀返錢我就差唔多。
原諒我咁多年就係 first in cynicism，但我一聽到有人同我講「你一定要支持乜乜乜」（或者更仆街嘅「係XXX就要支持XXX」），我就相當不以為然。因為講嗰個往往就係教條式，叫你無條件。我自己做港片之鬼一回事，但我唔會同你講「創作有價」。
點解我要支持小店？又難食態度又差又要支持？
而我覺得，你係講third party，都算啦。有啲仲要係拎嚟self promotion，「文字有價」「所以你要支持我」．真係給我一度裂縫。你好努力？邊撚個唔努力？聖馬力諾都努力的（破蛋喎），波蘭就唔努力？降班嗰啲又唔努力？你嘅努力大過人地嘅努力？我地個社會幾時係鬥付出咗幾多努力？我去睇李佳芯高海寧（舉例）唔係因為佢有幾咁努力喎。
正如我本書最尾講（有幾多人睇到最尾？），兩樣我最討厭嘅嘢：無知同虛偽，願大家遠離。咁但，原來只係呢兩樣嘢，都可以filter走好多嘢。難得地狀棍係過得到呢個filter，唔反智寫埋啲垃圾嘢，你亦feel得到佢嘅「真實」（但，所以咪唔開真名，不過寧願假身份講真話，好過真身份講假話—當然更多人係假身份都講假話）（何謂假話？你寫嗰個自己心中都唔信嘅咪假話）
所以，真係好睇先推。先like吧，冇老點你。
Search